२ वटा विमान आकाशमै ठोक्किए पछि

दोस्रो विश्वयुद्धमा जर्मनीलाई हराउन महत्त्वपूर्ण भूमिका खेलेका दुई वटा लडाकु विमान अमेरिकी आकाशमा एकअर्कामा ठोक्किएर दुर्घटनाग्रस्त भएका छन् ।

सैन्य लडाकु विमान प्रदर्शनका क्रममा दुई वटा विमान आपसमा ठोक्किएका बीबीसीले जनाएको छ । ठोक्किएलगत्तै दुवै विमानमा आगलागी भएको थियो । दुर्घटनामा कति मानिस परे भन्ने खुल्न सकेको छैन तर दुई जना मृतकको भने नाम सार्वजनिक भएको बीबीसीले जनाएको छ ।

विश्व युद्धका भेट्रानहरूको सम्मानमा आयोजना भएको तीन दिने कार्यक्रम गएको शुक्रवारदेखि सुरु भएको थियो । प्रदर्शनलाई झन्डै छ हजार मानिसले प्रत्यक्ष हेरिरहेका थिए ।

यसैबीच विमान दुर्घटनाबारे अमेरिकाको सङ्घीय उड्ययन प्रशासनले अनुसन्धान सुरु गरेको छ ।

109