सबै भूमिहीनलाई लालपुर्जा वितरण गर्ने योजना छः भूमिसुधार मन्त्री श्रेष्ठ

नेपालगञ्ज । भूमिसुधार तथा गरिबी निवारण मन्त्री शशी श्रेष्ठले सरकारले सबै भूमिहीनलाई लालपुर्जा वितरण गर्ने योजना बनाएर कार्यान्वयन चरणमा रहेको बताउनुभएको छ । उहाँले कोही पनि मानिस भूमिहीन र सुकुम्बासी नहोस् भनेर सरकारले सबैलाई जग्गा उपलब्ध गराउने अभियान थालेको बताउनुभयो ।
नेपालगञ्ज विमानस्थलमा पत्रकारहरुसँग कुरा गर्दै मन्त्री श्रेष्ठले भूमिहीन र सुकुम्बासीको पहिचान गरेर उनीहरुलाई जग्गा उपलब्ध गराउन नै जिल्ला जिल्लामा आयोगको शाखा गठन गरेर कामलाई तीव्र पारेको जानकारी गराउनुभयो ।
उहाँले सरकारले जनतालाई सुविधा दिन नापी र मालपोत कार्यालयहरु पनि स्थानीय तहसम्मै पुर्याउने लक्ष्य लिएको बताउनुभयो । सोही क्रममा लामो समयदेखिको जनताको मागलाई ध्यानमा राखेर एक हप्ताभित्रै नापी तथा मालपोतको शाखा कार्यालय कोहलपुरमा स्थापना गर्न नापी र मालपोत कार्यालय बाँकेका प्रमुखलाई मन्त्री श्रेष्ठले निर्देशन दिनुभयो ।

मन्त्रालय र विभागले गर्ने सबै प्रक्रिया पूरा भइसकेको जनाउनुहुँदै उहाँले तत्काल कार्यालय स्थापना गर्न निर्देशन पनि दिनुभयो ।

103

प्रतिक्रिया

खबर सबै

लुम्बिनीका मुख्यमन्त्री आचार्यले आज विश्वासको मत लिँदै

लुम्बिनी प्रदेश सबै

लुम्बिनीका मुख्यमन्त्री आचार्यले आज विश्वासको मत लिँदै

साझा अपडेट

MENU