दाङमा जिल्ला समन्वय समितिमा सत्ता गठबन्धनका उम्मेदवार निर्विरोध

दाङ । दाङ जिल्ला समन्वय समितिमा सत्ता गठबन्धनका उम्मेदवार निर्विरोध निर्वाचित भएका छन् । जेठ २९ गते हुन गइरहेको निर्वाचनका लागि आज बुधबार उम्मेदवारी दर्ता गरिएको छ । नेकपा एमालेले उम्मेदवारी दर्ता नगरेपछि सत्ता गठबन्धनका तर्फबाट उम्मेदवारी दर्ता गराएका उम्मेदवारहरू निर्विरोध भएका हुन् । निर्वाचन आयोग यसको औपचारिक घोषणा गर्न भने बाँकी नै छ ।

गठबन्धनका तर्फबाट नेपाली कांग्रेस र नेकपा माओवादी केन्द्रले संयुक्त रूपमा उम्मेदवारी दर्ता गराएका थिए। समितिको प्रमुखमा कांग्रेसका नित्यानन्द शर्माले उम्मेदवारी दिएका थिए। उनी स्थानीय तहको निर्वाचनमा राप्ती गाउँपालिका वडा नं। ७ बाट सदस्यमा निर्वाचित भएका थिए ।

उपप्रमुखमा कांग्रेसकी चेतना चौधरीको निर्विरोध भएकी छन् । उनी बबई गाउँपालिका वडा नं।७ बाट सदस्यमा निर्वाचित भएकी थिइन् । त्यस्तै सदस्यमा कांग्रेसका कुलबहादुर बुढा (खुला सदस्य), हरिदेवी पोख्रेल (महिला सदस्य), सरस्वती नेपाली (दलित महिला सदस्य), जुनकुमारी बुढा (महिला सदस्य ) र कल्पना शेर्पाइली (महिला सदस्य ) बनेका छन्। भएका हुन् ।

माओवादी केन्द्रबाट टोपाराम चौधरी (खुला सदस्य) र द्रुपति चौधरी (खुला सदस्य) ले उम्मेदवारी दर्ता गराएका थिए। दुबै उम्मेदवार निर्विरोध निर्वाचित भएका हुन् ।

112