नीति तथा कार्यक्रम बालुवा चुसेजस्ताे नीरस छ : विष्णु पाैडेल
काठमाण्डाै
नेकपा एमालेका उपाध्यक्ष तथा पूर्व अर्थमन्त्री विष्णुप्रसाद पौडेलले सरकारले प्रस्तुत गरेको आर्थिक वर्ष २०७९/८० को नीति तथा कार्यक्रमले देशकाे अहिलेकाे समस्याको समाधान गर्न नसक्ने बताउनुभएको छ ।
आज बुधवार न्यूज एजेन्सी नेपालसँग कुराकानी गर्दै उपाध्यक्ष पौडेलले सरकारले प्रस्तुत गरेको आउँदाे वर्षकाे नीति तथा कार्यक्रम इतिहासकै नालायक र सारहीन भएको बताउनुभयो । उहाँले नीति तथा कार्यक्रमले देशकाे आजका समस्याहरू चिन्न नसकेको र समाधान दिन नसकेको उल्लेख गर्नुभयो । उहाँले भन्नुभयो, ‘गठबन्धन जस्तो छ, नीति कार्यक्रम पनि त्यस्तै छ । यो इतिहासकै सबैभन्दा नालायक, सारहीन, दिशाविहीन, बालुवा चुसेजस्तो नीरस छ । यसमा कुनै दृष्टिकोण छैन । कुनै गन्तव्य छैन । समस्याकाे समाधान दिने यसमा कुनै दृष्टिकोण छैन । समयको अपव्यय मात्रै हो यो ।’
उपाध्यक्ष पौडेलले सरकारले अवलम्बन गरेकाे नीति तथा निर्णयका कारण देशमा भयानक सङ्कट आइपर्न लागेको बताउनुभयो । उहाँले आर्थिक सङ्कटको बारेमा सरकार मौन रहेको बताउनुभयो । उहाँले भन्नुभयो, ‘देशकाे अर्थतन्त्र भयानक सङ्कटको नजिक आइपुगेको छ । तर सरकार केही बाेल्दैन । सरकार देशकाे अर्थतन्त्र सबै लयमा छ, ठिकठाक छ भनेजस्तो गरिरहेकाे छ । यो नीति कार्यक्रम पूर्वाग्रही पनि छ । सरकार निरन्तरतामा चल्ने । हिजोका राम्रा कामलाई निरन्तरता दिएर सरकार अगाडि बढ्नुपर्ने हो । तर हिजोका राम्रा कामलाई यसले निरन्तरता दिन चाहेको छैन ।’
नीति तथा कार्यक्रमले विगतमा अगाडि बढाइएका राष्ट्रिय गौरवका आयोजनाका प्रभावकारी कार्यान्वयनमा कुनै चासो र चिन्ता व्यक्त नभएको उपाध्यक्ष पाैडेलकाे भनाइ छ । राष्ट्रिय गौरव र राष्ट्रिय प्राथमिकताका आयोजनालाई अगाडि बढाउने सन्दर्भमा पनि सरकार पूर्वाग्रही बनेको उहाँले आरोप लगाउनुभयो । नीति कार्यक्रम भाषिक दृष्टिकोणले पनि कमसल रहेको भन्दै यसले देशलाई कुनै नतिजा दिन नसक्ने उहाँले दाबी गर्नुभयो ।
फरक प्रसङ्गमा उपाध्यक्ष पौडेलले अब गठबन्धनको ओरालो यात्रा सुरु हुने बताउनुभयो । आउँदाे चुनावमा गठबन्धनको पटाक्षप हुने उहाँले बताउनुभयो । आउँदाे चुनावपछि नेकपा एमालेको नेतृत्वमा सरकार बन्ने कुरालाई कसैले रोक्न नसक्ने उहाँले दाबी गर्नुभयो ।
खबर सबै
-
बँदेल मार्न अनुमति कुर्दै किसान
-
एसियाली खेलकुदः महिला कबड्डीमा नेपालको जित
-
हथौसा लिटिल पत्रु खाना निषेध अभियान तथा सचेतनामूलक कार्यक्रम
-
लायन्सको स्वागतमा प्रहरी निरीक्षक कार्की, प्रहरी र लायन्सबीच सहकार्यको प्रतिबद्धता
-
राहदानी ठेक्कामा सर्वोच्चबाट सरकारकै निर्णय सदर
-
बृहत्तर लुम्बिनी विकास गर्न साझा कार्यदिशा
साझा अपडेट
-
बालबालिकालाई दिइने गृहकार्य – एक विमर्श
-
लुम्बिनीलाई ‘बर्थिङ हब’का रूपमा विकास गरिने
-
१४ औँ स्थापना दिवसको अबसरमा कपिलवस्तु फोटोग्राफरको फोटो वाक कार्यक्रम सम्पन्न
-
गुल्मीमा स्क्रब टाइफसबाट एक महिलाको मृत्यु
-
गुगललाई डेढ खर्ब रुपैयाँभन्दा धेरै जरिवाना
-
पश्चिम एसियाका १२ देशमा सबै प्रकारका श्रम स्वीकृति खुला
-
वर्ष ०८२ : एक लाख १० हजारले बढ्यो सुनको भाउ, प्रतिदिन ३०३ !
प्रतिक्रिया