दाङको लमही नगरपालिकामा नेपाली कांग्रेस विजयी

दाङ । दाङको लमही नगरपालिकामा नेपाली कांग्रेस विजयी भएको छ ।

दाङका ९ वडामध्ये ८ वडा कांग्रेसले जितेको छ । वडा नम्बर ५ मा मात्रै माओवादी केन्द्रले जितेको छ । २०७४ मा मेयर जितेको एमाले भने यसपटक शून्य भएको छ ।

मेयरमा कांग्रेसका जोगराज चौधरी २ हजार ३२ मतान्तरले विजयी भएका छन । उनले ९ हजार ३ सय १७ मत प्राप्त गरे । चौधरी २०७४ मा एमालेका कुलबहादुर केसीसँग पराजित भएका थिए ।

उनका निकटतम प्रतिस्पर्धी माओवादी केन्द्रका बसन्तराज शर्माले ७ हजार २ सय ८५ मत प्राप्त गरेका छन् ।एमालेका दण्डीराम चौधरीले ५ हजार ५ सय ३ मत प्राप्त गरेका छन् ।

उपमेयरमा कांग्रेसकी लक्ष्मी योगी ८ हजार ७ सय ३७ मतका साथ विजयी भएकी छन् ।

उनकी निकटतम् प्रतिस्पर्धी माओवादी केन्द्रकी गंगा पाण्डेले ५ हजार ८ सय ४८ र एमालेकी सुशिला शर्माले ५ हजार ३ सय १२ मत प्राप्त गरेकी छन् ।

कांग्रेसबाट लमही नगरपालिका १ दामोदर पौडेल, २ नेपालु चौधरी, ३ मनोज चौधरी, ४ मा सुवास न्यौपाने, ६ श्यामनारायण चौधरी, ७ मोहन गिरी, ८ मा उमेश खड्का, ९ भेषबहादुर केसी (रमेश) निर्वाचित भएका छन ।

लमही–५ मा भने माओवादीका ओमप्रसाद सुवेदी निर्वाचित भएका हुन । कांग्रेसबाट चार वटा वडामा पुरानै वडा अध्यक्ष दोहोरिएका छन ।