हरितयारसहित तीन जना प्रहरीको नियन्त्रणमा

दाङ । लुम्विनी प्रदेश प्रहरी कार्यालयले हतियारसहित तीन जनालाई पक्राउ गरेको छ। बाँकेको डुडुवा गाउँपालिका ४ राप्ती पुल नजिकैबाट हतियारसहित ३ जना व्यक्ति पक्राउ परेको प्रदेश प्रहरी कार्यालय तुलसीपुर दाङले जनाएको छ।

पक्राउ पर्नेमा बाकेको नेपालगञ्ज उपमहानगरपालिका वडा नं। १८ कारकाँदोका २९ वर्षिय सुसान्त केसी, वडा नं १२ कोरियनपुरका २८ वर्षिय दिपेन्द्र अधिकारी र कैलाली लम्किचुहा नगरपालिका ३ का ३२ वर्षिय द्धारीका उपाध्याय रहेका छन्।

उनीहरुलाई ईलाका प्रहरी कार्यालय बनकट्टी बाँकेले नियन्त्रणमा लिएको हो। उनीहरुको साथबाट बाग्मती प्रदेश ०१-०२५ च ३०९७ नं।को गाडी, गाडीको सिट पछाडीको ब्यागमा लुकाई छिपाई राखेको मेडिन युएसए अटोमेटिक पेस्तोल थान १९, गोली ९ राउण्ड, खुडा थान १, नोक थान २ बरामद गरिएको हो।

बरामद गरिएको हतियार र निज व्यक्तिहरुलाई पक्राउ गरी थप अनुसन्धान कार्य भईरहेको प्रदेश प्रहरी कार्यालयले जनाएको छ।