टी–२० विश्वकपः नामिबिया पहिलो पटक सुपर १२ मा

अलराउन्डर एवं प्लेयर अफ द म्याच डेभिड विसेले नटआउट रहँदै १४ बलमा २८ रन बनाए । दुवै विकेट आयरल्याण्डका कर्टिस कापरले लिए ।

आयरल्याण्डको इनिङ्स
यसअघि टस जितेर पहिले ब्याटिङ गरेको आयरल्याण्डले ८ विकेटको नोक्सानीमा १२५ रनमात्र बनायो । तीन खेलाडीले मात्र दोहोरो स्कोर खडा गरेको इनिङ्समा ओपनर पाउल स्टर्लिङले सर्वाधिक ३८ रन बनाए ।

नामिबियाका जान फ्रिलिंकले सर्वाधिक ३ विकेट लिए । डेभिड विसेले २ तथा जेजे स्मिथ र बर्नार्ड शोल्ट्जले १–१ विकेट लिए ।

समीकरण 
यो जितसँगै नामिबियाले ४ अंकसहित समूहको उपविजेता भएर सुपर १२ मा स्थान बनाएको हो । शतप्रतिशत नतिजासहित ६ अंकबाट समूह विजेता बन्दै श्रीलंका सुपर १२ मा पुग्यो ।

आयरल्याण्ड २ अंकमा रहेर बाहिरियो । अंकविहीन नेदरल्याण्ड्स पुछारमा रहेर बाहिरियो ।

योसँगै सुपर १२ मा छिर्ने टिम पक्का भएका छन् । समूह एमा श्रीलंका र नामिबिया तथा समूह बी बाट स्कटल्याण्ड र बंगलादेश सुपर १२ मा प्रवेश गरेका छन् ।