शवबाटै गहना चोर्ने वृद्धा पक्राउ

पेरिस, उत्तरी फ्रान्सस्थित एउटा अन्त्येष्टि गृहमा मृतकको अन्तिम संस्कार भइरहँदा मलामीमा सरिक एक अज्ञात व्यक्तिलाई देखेर पनि शोकाकुल परिवारले केही भनेनन् । मृतकको परिवारका कोही पनि सदस्यले नचिनेको ती महिलाले आफूलाई मृतकको साथी भनिन् । होला त भनेर परिवारले ती करिब साठी वर्षीया महिलालाई खुल्ला काफिनमा श्रद्धाञ्जली व्यक्त गर्ने अवसर दिए ।

तर, पछि तिनले मृतक महिलाको शरीरबाट हार, औंठी र कानको टप गायब भएको पाएको फ्रेन्च सञ्चार माध्यमले जनाएको छ । परिवारले तुरुन्तै प्रहरीलाई खबर गरे । प्रहरीले तत्कालै अनुसन्धान गरेर अन्त्येष्टि गृह नजिकैको लिएभिन शहरमा बस्ने ती महिलाई पक्राउ ग¥यो । उनको साथबाट शवबाट चोरिएका सम्पूर्ण गहना जफत गर्‍यो । अनुसन्धानकै क्रममा २४ अगस्टको अन्त्येष्टिका दिन ती महिलाले त्यहीं एक जना पुरुष मलामीको पनि पर्स चोरेको पत्ता लागेको छ ।

ती महिलाको घरबाट प्रहरीले हालसालै मरेका मानिसहरूको नाम सूचीसहितको सूचना र परिवारका लागि बनाइएको अन्त्येष्टि कक्षमा प्रवेश गर्ने कोड नम्बर पनि फेला पारेको छ । अपराधी महिलालाई सन् २०२२ मा अदालतमा पेस गर्ने तयारी भइरहेको प्रहरीले जनाएको छ । –(एजेन्सी)

132

प्रतिक्रिया

खबर सबै

प्रथम वडा स्तरीय रनिङ कपको उपाधि भर्तापुरले जित्यो, पडरिया २–० ले पराजित

लुम्बिनी प्रदेश सबै

रास्वपा प्रवेश गरेका विजयनगरका उपाध्यक्ष र वडा अध्यक्षको पद रिक्त

साझा अपडेट

MENU