कारबाहीपछि भुसालको प्रतिक्रिया–ओली गुट राज्य दोहनको गिरोहमा परिणत भयो

काठमाडौं

नेकपा एमालेका उपमहासचिव घनश्याम भुसालले अध्यक्ष केपी शर्मा ओलीले पार्टीलाई गुट हुँदै राज्य दोहनको गिरोहमा परिणत गरेको बताएका छन् ।
नेता भुसाललाई अध्यक्ष ओलीले ६ महिना निलम्बन गरेपछि बिहीबार सामाजिक सञ्जाल फेसबुकमार्फत भुसालले ओलीलाई सत्ता भोगको अतृप्त तृष्णाले म र मेरो बाहेक केही नदेख्ने बनाएको आरोप समेत लगाएका छन् ।

‘असीमित सत्ता भोगको अतृप्त तृष्णाले कमरेड ओलीलाई ‘म’ र ‘मेरो’ बाहेक केहि नदेख्ने बनाएको छ । ‘म बस्न नपाउने कुर्ची भाँची दिन्छु’, यो उनी आफैले कबुल गरेको जीवन दर्शन हो । एउटा धेरै राम्रो पार्टीलाई उनले गुटमा बदलेका थिए, अहिले त्यो गुट राज्य दोहनमा लागेको गिरोहमा परिणत भएको छ । उनका लागि संसारमा या त चाकर छन् या शत्रु’, भुसालले लेखेका छन् ।

त्यस्तै नेता भुसालले एमालेको चिरहरण गर्दै लोकतन्त्रको हुर्मत लिएको टिप्पणी गरेका छन् । भुसालले भनेका छन्, ‘उनले हाम्रो पार्टीको गौरवको चीरहरण गर्दैछन्, हामीले सामना गरौँला÷गर्नेछौँ । तर यिनले लोकतन्त्रको जुन हुर्मत लिएका छन् त्यो अपूरणीय छ । उनको व्यक्तिवादी, अवसरवादी, दक्षिणपन्थी तथा बिसर्जनवादी ताण्डवलाई पराजित गरेर हामीले लोकतन्त्र र वामपन्थको ऋण तिर्नेछौँ । मेरो पार्टीको अध्यक्ष भएर उनले गरेका बर्बादीका लागि मैले दुनियाँसँग माफी माग्छु ।’

92

प्रतिक्रिया

खबर सबै

लुम्बिनीमा कांग्रेसका मन्त्रीले तत्काल राजीनामा नदिने

लुम्बिनी प्रदेश सबै

लुम्बिनीमा कांग्रेसका मन्त्रीले तत्काल राजीनामा नदिने

साझा अपडेट

MENU