शुद्धोदन मा.वि जिनुवामा ४ कोठे पक्की भवनको शिलान्यास

भलवाड ।

कपिलवस्तुको वाणगंगा नगरपालिका वडा नम्बर ९ भलवाड स्थित शुद्धोदन जन जीवन मा बिमा विद्यालय भवन निर्माणका लागि आज शिलान्यास गरिएको छ ।

४ कोठे पक्की भवनको निर्माणका लागि नगरपालिकाका उप – प्रमुख चक्रपाणि अर्याल र वडाध्यक्ष धुर्ब बेल्बासेले संयुक्तरूपमा बिधालय भवनको शिलान्यास गर्नु भएको हो । लुम्बिनी प्रदेश सरकारको रु. ८० लाख तथा वाणगंगा नगरपालिकाको २० लाख गरि कुल १ करोडको लागतमा निर्माण हुने वडा अध्यक्ष धुव्र वेल्वासेले बताउनुभयो । सुबिधा सप्पन्न भवन निर्माण बन्ने भएपछि बिधालयमा पठन पाठन गर्न सहज हुने नगर उप प्रमुख चक्रपाणि अर्यालको विश्वास छ ।

शिलान्यास कार्यक्रममा स्थानीय राजनीतिक दलका प्रमुखहरु, वाणगंगा नगरका शिक्षा तथा खेलकुद शाखा अधिकृत खिम बहादुर जि सि, प्रशासन शाखा प्रमुख केशवराज भट्टराई, प्रधानाध्यापक अनिता कडेल, नगर कार्यपालिका सदस्य तथा वडा सदस्यहरु लगाएत बिधालय ब्यबस्थापन समिति पदाधिकारीहरुको उपस्थिति रहेको थियो ।