कोरोनाले खोस्यो सरायँ नाचको रौनक

कात्तिक १४कपिलवस्तु ।

हरेक वर्षको विजया दशमीको मुख्य दिन देखि कोजाग्रत पूर्णीमा सम्म हुने दशैको रौनक मध्येको एक हो सरायँ नाच । तर यस वर्ष कतै पनि सरायँ नाचको रौनक देखिएन । गत वर्षको चैत्र महिनाको सुरु देखि नै भित्रिएको कोरोना माहामारीका कारण यस वर्षको विजया दशमीमा कतैपनि सराय नाँचको प्रर्दशन गरिएन । कोरोना कै कारण मौलिक नृत्यको एक विधा सरायँ नाच पनि यस वर्ष प्रभावित हुन पुग्यो ।

दसैंको बेला कपिलवस्तु सहित, अर्घाखाँची, गुल्मी, पाल्पा, दाङ, रुपन्देही, प्युठान लगाएतका लुम्बिनी प्रदेशका विभिन्न जिल्लामा सरायँ नाचको बेग्लै रौनक हुन्थ्यो । तर यस वर्ष सरायँ नाच हुने स्थान सुनसान भए । दसैं पनि खल्लो भयो ।

असत्य माथि सत्यको विजयको प्रतिकको रुपमा विजयी जुलुस स्वरुप निकालीने सराय नाँच परापूर्वकालदेखि चल्दै आएको भए पनि यस वर्ष कतै पनि संचालन भएन । गोलो घेरा बनाई पञ्चेबाजाको तालमा खुँडा र तरबार कुशलतापूर्वक नचाउँदै एकअर्कामा खुलीको रक्तसंचार हुने गरी तरवार ठोकिएको आवाज आउने गरी नाच नाचिन्छ ।

कपिलवस्तु जिल्लाका विभिन्न दुर्गा भवानीका मठबाट निकालिने सरायँ नाँच हेर्न र नाँच्न जम्मा हुनेको हरेक वर्ष ठूलो उत्साह देखिन्थ्यो तर यस वर्ष कतै पनि त्यो उत्साह देखिएन । मन्दिर भित्रका सिमित व्यक्तिहरुले औपचारीकता पुरा गर्न नाच निकाले अनि प्रसाद सेलाए । कोरोना महामारीका कारण प्रशासनले पनि निषेध गरेकाले सरायँ नाच नभएको जिल्ला प्रशासन कार्यालय कपिलवस्तुले जनाएको छ । यस वर्ष कोरोना महामारीका कारण जिल्लाका सबै मन्दिर तथा देवालयहरुमा अत्यावश्यक पूजाबाहेक अन्य कार्यक्रमहरु गर्न प्रशासनले रोक लगाएको थियो । सरायँ नाच नाच्दा देवी भगवती प्रशन्न हुने जनविश्वास रहेको बुढापाकाहरु बताउँछन् ।

सरायँ नाच विभिन्न कोट र शक्तिपिठहरु तथा खुला चौरमा नाच्ने चलन छ । नयाँ पुस्ताले वास्ता नगर्दा सरायँ नाच पछिल्लो समय लोप हुने स्थितिमा समेत पुगिरहेका बेला बेलाबेलामा आईपर्ने माहामारीले थप संकटमा पार्ने गरेको जानकारहरुले बताएका छन् ।

177

प्रतिक्रिया

खबर सबै

भोटेकोसी बाढीपछि ५९० विदेशी नागरिक सम्पर्कविहीन, कुन देशका कति ?

लुम्बिनी प्रदेश सबै

दैवीप्रकोप उद्धार कोषमा लुम्बिनी सरकारको तीन करोड सहयोग

साझा अपडेट

MENU