गुट्खा व्यापारीसँग घुस लिँदैै गर्दा बुटवलका राजश्व प्रमुख पक्राउ

ई–साझाकुरा, साउन २०

आन्तरिक राजश्व कार्यालय बुटवलका प्रमुख गुट्खा व्यापारीसँग घुस लिएको अवस्थामा पक्राउ परेका छन् । राजश्व कार्यालय प्रमुख अधिकृत विजय राना घुससहित पक्राउ परेका हुन् ।

उनलाई अख्तियार दुरुपयोग अनुसन्धान आयोगको टोलीले मंगलबार २ लाख रुपैयाँ घुससहित पक्राउ गरेको हो । बुटवल–१३ बुद्धचोकमा कपिलवस्तुका गुट्खा व्यापारी अनिलकुमार झासँग घुस वापत २ लाख लेनदेन गर्दै गरेको अभियोगमा प्रमुख रानालाई नियन्त्रणमा लिइएको कार्यालयका प्रमुख भीष्मराज भुसालले जानकारी दिनुभएको छ ।

रानाले व्यापारीसँग महिना महिनामा पैसा लिने गरेको भन्ने सूचना पाएपछि अख्तियार टोलीले केही दिनदेखि उनलाई निगरानी गरिरहेको थियो । उनलाई अनुसन्धान गर्ने क्रममा बिहान साढे १० बजे अख्तियार टोलीले पक्राउ गरेको हो ।

149

प्रतिक्रिया

खबर सबै

अमृते सामुदायिक वनको १७ औँ साधारणसभा : आयआर्जन र सामाजिक विकासलाई प्राथमिकता

लुम्बिनी प्रदेश सबै

लुम्बिनी प्रदेशमा भदाै २९ गते सार्वजनिक बिदा

साझा अपडेट