टिमुरेमा ड्युटीमा खटिएका नौजना सशस्त्र प्रहरी सम्पर्कविहीन

तिब्बतबाट नेपालतर्फ आएको बाढीमा परी रसुवाको टिमुरेस्थित बोर्डर आउट पोस्ट (बीओपी) बाट ड्युटीमा खटिएका नौजना सशस्त्र प्रहरी सम्पर्कविहीन भएका छन् ।

उनीहरूसँग कुनै सम्पर्क हुन नसकेको सशस्त्र प्रहरी बलले जनाएको छ ।

टिमुरे बीओपीमा रहेका अन्य २५–३० जना सशस्त्र प्रहरी भने सुरक्षित रहेको जनाइएको छ ।

चीनको तिब्बतबाट अचानक आएको बाढी रसुवामा प्रवेश गर्दा सो क्षेत्रमा बाढीले ठूलो जनधनको क्षति गरेको छ ।