क्यानले लिग–२ शृङ्खलाको टिकट मूल्य आधाले घटायो

 नेपाल क्रिकेट सङ्घ (क्यान) ले कीर्तिपुरको त्रिवि मैदानमा चलिरहेको आईसीसी क्रिकेट विश्वकप लिग–२ एकदिवसीय त्रिदेशीय शृङ्खलाको टिकट मूल्य घटाएको छ ।

नेपाल, संयुक्त अरब इमिरेट्स (यूएई) र ओमान सहभागी लिग–२ शृङ्खला हेर्ने दशर्कको सङ्ख्या घटेपछि क्यानले टिकट मूल्य आधाले घटाएको छ ।

क्यानले यो शृङ्खलाअन्तर्गत भोलि हुने नेपाल र ओमानबीचको अन्तिम खेलको टिकट मूल्य २०० रुपैयाँ तोकेको छ । यसअघि टिकटको मूल्य ४०० रुपैयाँ थियो ।

यस्तै यही वैशाख २९ गतेदेखि शुरू हुने नेपाल, स्कटल्यान्ड र अमेरिकाबीचको लिग–२ शृङ्खलाको टिकट मूल्य पनि २०० रुपैयाँ तोकिएको क्यानले जनाएको छ ।