पाल्पामा टिप्परको ठक्करबाट मोटरसाइकलमा सवार २ जनाको मृत्यु

पाल्पाको तिनाउमा टिप्परको ठक्करबाट मोटरसाइकलमा सवार २ जनाको मृत्यु भएको छ ।

शनिबार दिउँसो बुटवलबाट पाल्पातर्फ जाँदै गरेको लु ४९ प ७७९५ नम्बरको मोटरसाइकललाई विपरीत दिशाबाट आउँदै गरेको लु २ ख १८८३ नम्बरको टिप्परले ठक्कर दिँदा दुई जनाको मृत्यु भएको हो ।

उनीहरूको पहिचान खुल्न बाँकी रहेको जिल्ला प्रहरी कार्यालय पाल्पाका प्रहरी नायब उपरीक्षक होमप्रकाश चौधरीले जानकारी दिए ।

उनका अनुसार बुटवल-पाल्पा सडक खण्ड अन्तर्गत पाल्पाको तिनाउ गाउँपालिका ३ मा दुर्घटना भएको हो ।