कपिलवस्तुको बाणगंगा ८ मा श्रीमान श्रीमती घरभित्रै मृत फेला

तस्बिर : सांकेतिक
साझाकुरा,कपिलवस्तु । कपिलवस्तुको बाणगंगामा श्रीमान श्रीमती मृत अवस्थामा फेला परेका छन् । बाणगंगा नगरपालिका वडा नम्बर ८ ढोडेकोलमा श्रीमान् श्रीमती नै मृत फेला परेका हुन ।

इलाका प्रहरी कार्यालय पिपराका अनुसार घटना स्थलमा श्रीमान श्रीमती नै मृत फेला परेका छन् । श्रीमान वर्ष ६० का टेकलाल भुसाल र श्रीमती वर्ष ५५ की जुठी भुसाल रहेको ईलाका प्रहरी कार्यालय पिपराका प्रहरी निरिक्षक गोपाल रायमाझीले बताउनुभयो ।

घटना स्थलमा जिल्ला प्रहरी कार्यालयबाट डिएसपी हरिबहादुर ओलीसहितको प्रहरी टोलीले अनुसन्धान गरिरहेको छ ।

डिएसपी ओलीका अनुसार मृतक श्रीमान झुण्डीएको अवस्थामा मृत फेला परेका थिए भने श्रीमतीको शरीरमा केही चोट देखिएको जनाइएको छ । शवलाई पोष्र्टमार्टमका लागि पठाउने तयारी भइरहेको प्रहरीले जनाएको छ ।

घटनाको प्रकृति हेर्दा श्रीमान श्रीमतीबिच भएको झगडाका कारण श्रीमतीको हत्या गरी श्रीमानले आफू पनि आत्महत्या गरेको हुन सक्ने अनुमान गरिएको छ । यद्यपी यसको सत्यतथ्य अनुसन्धानको क्रममा रहेको छ ।

घटनाका विषयमा थप अनुसन्धान भइरहेको प्रहरीले जनाएको छ । यससम्बन्धमा थप विवरण आउन अझै बाँकी छ ।