शुद्धोदन मा.वि जिनुवामा आजदेखि खेल सप्ताह सुरु

ईसाझाकुरा : शुद्धोदन जन जिवन माध्यमिक विद्यालय वाणगंगा ९ जिनुवामा आज देखि खेल सप्ताह सुरु भएको छ । नगरपालिकाको शैक्षिक क्यालेन्डर अनुसार विद्यालयमा खेल सप्तहा सुरु गरिएको हो ।

खेल सप्ताहको औपचारिक उद्घाटन गदैँ विद्यालयकि प्रधानध्यापक अनिता कडेलले खेलले अनुशासन सिकाउने र विद्यार्थीमा पनि अनुशासन महत्वपुर्ण पक्ष रहेका कारण विद्यार्थीको रुचि अनुसार खेलमा सहभागि भएर आफ्नो प्रतिभा समेत प्रस्तुत गर्ने विषयमा विद्यार्थीलाई जोड दिने कुरा व्यक्त गर्नु भएको थियो ।

खेल सप्ताहको पहिलो दिन आज कक्षा ९–१२ तर्फ छात्रा भलिबल, छात्र भलिबल खेल सम्पन्न भएको छ भने कक्षा ६–८ तर्फ छात्र फुटबल तथा छात्रा दौड सम्पन्न भएको छ ।

यस्तै कक्षा १–५ तर्फ विभिन्न खेलहरु सम्पन्न भएका छन् ।

आयोजित खेल सप्ताहको औपचारिक कार्यक्रम विद्यालयकि प्रधानध्यापक अनिता कडेलको अध्यक्षता, सहायक प्रधानध्यापक टेकलाल अधिकारीको विशिष्ट आथितियता तथा खेल संयोजक विष्णु प्रसाद बेल्वासेको सञ्चालनमा सम्पन्न भएको थियो ।

111