दोस्रो मोतिपुर फुलबारी कप : एपिएफ चन्द्रौटा र एनएसवाईसी चौवाह सेमिफाइनल प्रवेश

कपिलवस्तु । कपिलवस्तुको बाणगंगा ७ मोतिपुरमा जारी दोस्रो फुलबारी कप फुटबलमा बिहिबार आजदेखि क्वाटरफाइनलका खेल सुरु भएका छन् ।

मोतिपुर प्रगतिशिल युवा क्लवले आयोजना गरेको दोस्रो मोतिपुर फुलबारी कपको बिहिबार सम्पन्न पहिलो क्वाटर फाइनलमा वाणगंगा स्पोर्टस एण्ड वेयलफेयरलाई पेनाल्टि सुट आउटमा हराउँदै एपि एफ चन्द्रौटा विजयी भएको छ । निर्धारित ९० मिनेटको खेलमा दुबै टोलीबाट गोलरिहत बराबरीमा खेल सकिएपछि खेल ट्राइबे्रेकरमा गएको थियो । पेनाल्टिमा वेलफेर बिरुद्ध एपिएफले ४–२ गोलको जित निकालेको हो ।

यस्तै आजै भएको दोस्रो क्वाटर फाइनलको खेलमा एनएस वाइ सि चौवाह र पारिजात पब्लिक स्कुल गोरुसिँगेले खेलेका छन् । उक्त खेलमा गोरुसिँगे बिरुद्ध एनएस वाई सी चावाह ५–० ले विजयी भएको छ ।

आजको खेलबाट दुबै टिम सेमिफाइन प्रवेश गरेका छन् । अब भोलि शुक्रबार हरैया एफसी र लव नेपाल पिपरा बिच पहिलो खेल हुने छ भने सेमिफानल प्रवेशका लागि दोस्रो खेल जागृति युथ क्लव चन्द्रौटा र ब्रोदर एफसी चप्परगाउँ बीच हुने आयाजक क्वलका अध्यक्ष शंकर प्रसाद न्यौपानेले जानकारी दिएका छन् ।

असोज २० देखि जारी प्रतियोगितामा १६ टिम दर्ता भएका थिए । प्रतियोगिताको फाइनल असोज ३० गते हुने छ ।