रोल्पामा खोलाले बगाउँदा एक जनाको मृत्यु

रोल्पा । रोल्पामा खोलाले बगाउँदा एक जनाको मृत्यु भएको छ । प्रहरीका अनुसार मंगलबार पश्चिमी रोल्पाको गंगादेव गाउँपालिका–५ लोदचौरस्थित फुलबारी जाने बाटोमा पर्ने काठको पुलमुनि ढुंग्री खोलाले बगाउँदा ५१ वर्षीय फौदबहादुर बुढाको ज्यान गएको हो । उनी गंगादेव गाउँपालिका–५ बथान गाउँका हुन् ।

कामकाजले उक्त बाटो हुँदै जाने क्रममा मृतकलाई माथिल्लो भागबाट बगाएर खोलाको पूर्वी छेउमा मछाइनोको ढलेको रुखमा अड्किएको अवस्थामा फेला पारिएको थियो ।

घटनाबारे सूचना पाएपछि प्रहरी चौकी पाखापानीबाट प्रहरी खटिएको रोल्पा प्रहरीका सूचना अधिकारी प्रहरी निरीक्षक प्रकाश भूसालले बताए । प्रहरीले मृतककी श्रीमती मनसरीलाई बोलाएपछि मात्रै शवको पहिचान भएको थियो ।

110