लुम्बिनी प्रदेशमा रोपाइँ : सबैभन्दा बढी प्युठानमा, कपिलवस्तुमा कम

बुटवल

 लुम्बिनी प्रदेशमा मध्य असारसम्म ११ प्रतिशत रोपाइँ भएको छ । वर्षा ढिलो भएका कारणले प्रदेशका १२ वटै जिल्लामा अहिले  रोपाइँ विगतका वर्षमा भन्दा कम भएको लुम्बिनी प्रदेश कृषि मन्त्रालयले जनाएको छ ।

कृषि तथा भूमि मन्त्रालयका प्रवक्ता अनिल मरासिनीका अनुसार गत वर्ष यही अवधिमा करिब ३२.७१ प्रतिशत रोपाइँ भएको थियो । मन्त्रालयको तथ्याङ्कअनुसार लुम्बिनी प्रदेशमा धान रोपाइँ हुने ३ लाख ११ हजार ४२ हेक्टर क्षेत्रफल हो । जसमध्ये अहिलेसम्म ३४ हजार ४८३ हेक्टर क्षेत्रफलमा मात्रै रोपाइँ भएको छ, जुन प्रतिशतको हिसाबले ११.०९ हो ।

यस्त, धान उत्पादन हुने मुख्य जिल्ला दाङमा ८ प्रतिशत र बर्दियामा १० प्रतिशत रोपाइँ सकिएको छ । दाङ जिल्लामा धान रोपाइँ हुने कुल ३७ हजार ४३० हेक्टर क्षेत्रफलमध्ये ४ हजार २९० हेक्टर क्षेत्रफलमा धान रोपाइँ भइसकेको जनाइएको छ ।

यस्तै प्रदेशको प्युठान जिल्लामा सबै भन्दा धेरै ८० प्रतिशत भएको छ भने सबै भन्दा कम कपिलवस्तुमा हाल सम्म ६ प्रतिशत रोपाइँ सम्पन्न भएको छ ।

सम्रग लुम्बिनी प्रदेशमा कहाँ कति भयो त