कपिलधाममा सम्पन्न आँखा शिविरमा पाँच सय बढीले उपचार सेवा लिए

कपिलवस्तु । कपिलवस्तुको बाणगंगा नगरपालिका वडा नम्बर ९ स्थित कपिल आरोग्य मन्दिर कपिलधाममा शनिबार आयोजना गरिएको निशुल्क आँखा चेकजाँच शिविरमा पाँच सय बढीले उपचार सेवा लिएका छन् ।

कपिल आरोग्य मन्दिर कपिलधाम र वेष्ट्रन नेपाल डेभलभमेन्ट ट्रष्टको आयोजना तथा वुटवल लायन्स आँखा अस्पतालको प्राविधिक सहयोगमा संचालन गरिएको शिविरमा ५ सय १३ जना आँखाका बिरामीहरुले चेकजाँच गराएका हुन् । जाँच गराएकाहरु मध्ये ५६ जनाको आँखामा मोतिया विन्दुको समस्या देखिएको उपचारमा संलग्न चिकित्सकहरुले बताएका छन् ।
बाणगंगाका वडा नम्बर ७,८ र ९ का आँखाका बिरामीहरुलाई लक्षित गरी उक्त शिविरको आयोजना गरिएको थियो । मौसमी प्रतिकुलतका बिच पनि ५ सय बढीलाई सेवा दिन सकिएको धामका अध्यक्ष शंकर प्रसाद आचार्यले बताउनुभयो । आँखाको समस्या भई उपचारका लागि शिविरमा आएका बिरामीहरुलाई चेकजाँच गरी चश्मा समेत निशुल्क प्रदान गरिएको थियो । मोतियाविन्दुको समस्या देखिएकाहरुलाई भने अप्रेशनका लागि बुटवल लायन्स आँखा अस्पतालमा बोलाइएको छ । लायन्स आखाँ अस्पतालका आँखा रोग विशेषज्ञ सहित वेष्ट्रन नेपाल डेभलभमेन्ट ट्रष्टका पदाधिकारीहरुको शिविरमा उपस्थिति रहेको थियो ।

84

प्रतिक्रिया

खबर सबै

बुटवलमा भूमिहीन तथा सुकुमबासीहरूले गरे प्रदर्शन, सरकार ‘निरंकुश’ शैलीमा अघि बढेको आरोप

लुम्बिनी प्रदेश सबै

लुम्बिनीमा मगर र थारु भाषालाई सरकारी कामकाजमा लागु गर्न माग

साझा अपडेट

MENU