कपिलवस्तु कृषि सहकारीले दियो आफ्ना सदस्यहरुलाई सहकारी शिक्षा

नवराज बेल्वासे, कपिलवस्तु । कपिलवस्तु कृषि सहकारी संस्था लिमिटेडले आफ्ना सदस्यहरुका लागि सहकारी शिक्षा कार्यक्रम संचालन गरेको छ ।

कपिलवस्तुको वाणगंगा नगरपालिका वडा नम्बर १ बैरिया स्थित सो सहकारीले संस्थाका शेयर सदस्यहरुका निम्ति एक दिने सहकारी शिक्षा शिविर बैरियामा रहेको मायादेबि रिसोर्टमा सम्पन्न गरेको जानकारी दिएको छ ।

सम्पन्न कार्यक्रममा संस्थाका अध्यक्ष राम बहादुर पौडेल क्षेत्रीको अध्यक्षता तथा सचिव नवदत्त घिमिरेको सञ्चालन रहेको थियो । यस्तै संस्थाका उपाध्यक्ष ओम प्रकाश घिमिरेको स्वागत मन्तव्य रहेको कार्यक्रममा पोष्ट राज गौतम र राम बहादुर पौडेल क्षेत्रीले सहकारी, मुल्यमान्यता र सिद्धान्तका साथसाथै संस्थाका विविध पक्षका बारेमा सहजिकरण गर्नुभएको थियो ।

यस्तै कार्यक्रममा लेखा सुपरीवेक्षण समितिका संयोजक सुरेन्द्र घिमिरे र सल्लाहकार समितिका संयोजक धातानन्द भुसालले सम्बोधन गर्नुभएको संस्थाका कोषाध्यक्ष नारायण पौडेलले जानकारि दिनुभएको छ ।