हेटौंडा कपडा उद्योग सञ्चालन गर्ने सरकारको घोषणा

काठमाडौं

सरकारले आगामी आर्थिक वर्षमा हेटौंडा कपडा उद्योग सञ्चालन गर्ने घोषणा गरेको छ । अर्थमन्त्री जनार्दन शर्माले बजेट भाषणका क्रममा बन्द अवस्थामा रहेको हेटौंडा कपडा उद्योगलाई सञ्चालनको व्यवस्था मिलाएको बताएका हुन् । उनले उपयुक्त ढाँचामा सो उद्योग सञ्चालनको योजना बनाएको बताए । उनले हेटौंडा कपडा उद्योगबाट उत्पादित कपडाहरू प्रयोगको व्यवस्थासमेत लिइने बताए ।

विसं २०३२ सालबाट हेटौंडा कपडा उद्योगको इतिहास सुरु भएको देखिन्छ । चीन सरकारको सहयोगमा विसं २०३५/०३६ सालबाट हेटौंडा कपडा उद्योगले औपचारिक रुपमा उत्पादन सुरु गरेको थियो । सरकारको पूर्ण स्वामित्वमा रहेको हेटौंडा कपडा उद्योग पूर्ण क्षमतामा सञ्चालन हुँदा दैनिक ३६ हजार मिटर कपडा उत्पादन गर्नसक्ने क्षमता रहेको छ ।

समस्या कै बीच चलिरहेको हेटौंडा कपडा उद्योगले २०५४ साल पछि भने नाफा कमाउन सम्भव देखिएन । त्यस यता लगातार उद्योगले हरेक वर्ष घाटा व्यहोर्नु पर्ने वाध्यता बनेपछि विसं २०५७ माघ १८ गतेको नेपाल सरकारको मन्त्रिपरिषद् बैठकको निर्णय अनुसार उद्योगमा ताला लगाइयो भने उद्योगमा कार्यरत सबै कामदार र कर्मचारीलाई सामूहिक अवकाश दिएपछि हेटौंडा कपडा उद्योग बन्द भएको थियो ।

२०५८ सालमा सरकारले उद्योग निजीकरणको लागि दुई पटका बोलपत्र आह्वान गरेको थियो । दुई पटक सूचना प्रकाशन गरी बोलपत्र आह्वान गरे पनि उद्योग सञ्चालनका लागि कुनै पनि आवेदन नपरेपछि सरकारले बाध्य भएर उद्योग खारेजीको प्रक्रिया अघि सा¥यो र नेपाल सरकारको निर्णयअनुसार विसं २०५९ पुस ८ मा बसेको उद्योगको विशेष साधारण सभाले विशेष प्रस्तावमार्फत उद्योगलाई खारेजीको प्रक्रिया सुरु गरेको थियो ।

107

प्रतिक्रिया

खबर सबै

लुम्बिनीमा कांग्रेसका मन्त्रीले तत्काल राजीनामा नदिने

लुम्बिनी प्रदेश सबै

लुम्बिनीमा कांग्रेसका मन्त्रीले तत्काल राजीनामा नदिने

साझा अपडेट

MENU