विश्वव्यापी मन्दी आउन सक्ने विश्व बैंकको चेतावनी

एजेन्सी

विश्व बैंकले युक्रेनमा रुसी हमलाले खाद्यान्न, उर्जा र मलको मूल्य बृद्धि हुँदा विश्वव्यापी मन्दी आउन सक्ने चेतावनी दिएको छ ।  विश्व बैंकका प्रमुख  डेभिड मालपासले बुधबार एक अमेरिकी व्यापार कार्यक्रममा सो चेतावनी दिएका हुन् ।
चीनमा कोरोनाभाइरस लकडाउनको श्रृंखलाले सुस्तताको चिन्ता थपिरहेको उनले बताए  । विश्व अर्थतन्त्र संकुचित हुन सक्ने जोखिमबीच उनको पछिल्लो चेतावनी हो ।

‘विश्वव्यापी जीडीपीलाई हेर्दा हामी कसरी मन्दीबाट बच्न सक्छौं भनेर हेर्न गाह्रो छ’, उनले भने । ‘उर्जा मूल्य दोब्बर गर्ने विचार आफैंमा मन्दी निम्त्याउन पर्याप्त छ’, उनले थपे । गत महिना, विश्व बैंकले यस वर्षको लागि आफ्नो विश्वव्यापी आर्थिक वृद्धि प्रक्षेपण ३ दशमलब २ प्रतिशत हुने प्रक्षेपण गरेको थियो । कूल ग्राह्स्थ उत्पादन आर्थिक बृद्धिको एउटा उपाय हो । अर्थतन्त्र कति राम्रो वा नराम्रो तरिकाले चलिरहेको छ र अर्थशास्त्रीहरू र केन्द्रीय बैंकहरूले यसलाई नजिकबाट हेरेका छन् भनेर मापन गर्ने यो सबैभन्दा महत्वपूर्ण तरिका हो ।

126

प्रतिक्रिया

खबर सबै

प्रथम वडा स्तरीय रनिङ कपको उपाधि भर्तापुरले जित्यो, पडरिया २–० ले पराजित

लुम्बिनी प्रदेश सबै

रास्वपा प्रवेश गरेका विजयनगरका उपाध्यक्ष र वडा अध्यक्षको पद रिक्त

साझा अपडेट

MENU