भारतविरुद्ध तीन एक दिवसीय शृङ्खला दक्षिण अफ्रिकाद्वारा क्लिनस्वीप

काठमाडौं

भारतसँगको तीन एक दिवसीय क्रिकेट शृङ्खला दक्षिण अफ्रिकाले क्लिनस्वीप गरेको छ । आइतबार राति भएको तेस्रो खेलमा भारतमाथि चार रनको जित निकाल्दै दक्षिण अफ्रिकाले शृङ्खला क्लिनस्वीप गरेको हो ।

केपटाउनमा दक्षिण अफ्रिकाले दिएको २ सय ८८ रनको लक्ष्य पछ्याएको भारतले ४९ ओभर २ बलमा अलआउट हुँदै २ सय ८३ रन मात्रै बनाउन सक्याे । भारतका लागि विराट कोहलीले ६५ तथा शिखर धवनले ६१ रनको अर्धशतकीय इनिङ्स खेले ।

यस्तै दीपक चाहरले ५४ रनको अर्धशतकीय इनिङ्स खेल्दा सूर्यकुमार यादवले ३९ रन जोडे । श्रेयस आयरले २६ रन जोडे भने कप्तान केएल राहुल ९ रनमा आउट भए ।

दक्षिण अफ्रीकाका लुंगी एनजीडी र एडिलेले तीन/तीन विकेट लिए ।  ड्वाने प्रिटोरीउसले दुई विकेट लिए ।यसअघि पहिले ब्याटिङ गरेको दक्षिण अफ्रिकाले ४९ ओभर ५ बलमा अलआउट हुँदै २ सय ८७ रन जोडेको थियो ।

दक्षिण अफ्रिकाका लागि क्विन्टन डी ककले १ सय २४ रनको शतकीय इनिङ्स खेले । रस्सी भान डेर डुसेनले ५२ रनको अर्धशतकीय इनिङ्स खेल्दा डेभिड मिल्लरले ३९ रन बनाए । भारतका प्रसिद्ध कृष्णले तीन तथा दीपक चाहर र जस्प्रित बुम्राहले दुई/दुई विकेट लिए ।

128

प्रतिक्रिया

खबर सबै

अमेरिका र इरानबीच एक-अर्कामाथि आक्रमण रोक्ने सहमति

लुम्बिनी प्रदेश सबै

लुम्बिनी प्रदेशलाई क्षेत्रिय आईटी हब बनाउने गुरुयोजना सार्वजनिक

साझा अपडेट

MENU