नेपालगञ्जबाट छुटेको बस जाजरकोटमा दुर्घटना, पाँचजनाको मृत्यु

नेपालगञ्ज । जाजरकोटमा बस दुर्घटना हुँदा पाँचजनाको मृत्यु भएको छ । प्रहरीका अनुसार गएराति नेपालगञ्जबाट जाजरकोटको राडिबजार जाँदै गरेको ना छ ख २७५७ नम्बरको बस बराहचौर नजिक दुर्घटना हुँदा पाँचजनाको घटनास्थलमै मृत्यु भएको हो ।

दुर्घटनामा ३० जना घाइते भएका जाजरकोटका डिएसपी मधुकुमार थापाले जानकारी दिए । उनका अनुसार घाइतेमध्ये केही अवस्था गम्भीर रहेको छ ।

‘पाँचजनाको मृत्यु भएको छ, २९ जना जति घाइते छन् केही सिरियस छन्,’ डिएसपी थापाले भने ।

घाइतेको जिल्ला अस्पताल जाजरकोटमा उपचार भइरहेको छ ।