पारसको जर्सी नम्बर ७७ अरुले प्रयोग गर्न नपाउने : क्यान

काठमाण्डौँ

नेपाल क्रिकेट संघले ( क्यान ) राष्ट्रिय क्रिकेट टिमका पूर्वकप्तान पारस खड्काले प्रयोग गर्ने गरेको जर्सी नम्बर ७७ अन्य खेलाडीलाई प्रयोग गर्न नदिने निर्णय गरको छ। क्यानले पारस खड्काको योगदानको सम्मान गर्दै उक्त निर्णय गरेको बताएको छ।

नेपाल क्रिकेट संघले पहिलो पटक नेपाली राष्ट्रिय क्रिकेटरलाई यस्तो सम्मान दिएको हो। पारसले जर्सी नम्बर ७७ आफ्नो जन्मदिन र वर्षको प्रतिकको रुपमा प्रयोग गर्ने गरेका थिए। उनको जन्म सन् १९८७ को सातौँ महिना अर्थात् जुलाईको ७ तारिखमा भएको थियो। आफ्नो जन्ममितिको महिना र दिनको प्रतिक ७ नम्बरलाईनै पारसले जर्सी नम्बर बनाएका थिए।