कोईलीचौर सामुदायिक बनले रोप्यो ३००० बिरुवा

कपिलवस्तु

कपिलवस्तुको वाणगंगा नगरपालिका स्थित वडा नम्बर ९ मा रहेको कोइलीचौर सामुदायिक बनले आज एक कार्यक्रमका बिच आफ्नो बन क्षेत्रमा तिन हजार बिरुवा रोपेको छ ।
सव डिभिजन बन कार्यालय गोरुसिङ्गे तथा डिभिजन बन कार्यालय तैलिहवाले ३००० बिरुवा निशुल्क उपल्ब्ध गराएको बनका कोषाध्यक्ष कुन्तामणि भुसालले बताउनु भएको छ ।
प्राप्त ३००० बिरुवा मध्ये २५०० टिक र ५०० सफेद प्रजातीका बिरुवा रहेका छन् ।
वर्षायमको समयमा हुने भुक्षय संरक्षण, बाढी नियन्त्रणका लागि बोटबिरुवा आवश्यक रहेको हुदाँ पनि बिरुवा अनिर्वाय रुपमा लगाउनु पर्ने भुसालको भनाई रहेको छ ।

लगाइएका तिन हजार बिरुवालाई संरक्षण गर्नका लागि तारबार समेत गरिने कोषाध्यक्ष भुसालको भनाई रहेको छ ।

बनका अध्यक्ष हरिराज घिमिरे, कोषाध्यक्ष कुन्तामणि भुसाल तथा बन समितिका पदाधिकारीहरुले संयुक्त रुपमा बिरुपा लगाएर कार्यक्रमको औपचारीक रुपमा सुरुवात गरेका थिए ।

कार्यक्रममा १०० बढी बन उपभोग गर्ने सदस्यहरुको सहभागिता रहेको थियो ।