वाणगंगा वडा नम्बर ७ र ९ जोड्ने खोलामा पक्की पुल बन्ने पक्का, भलवाड बासीमा छायो खुसी

नवराज बेल्वासे

कपिलवस्तु बाणगंगा वडा नं ७ र ९ लाई जोडने बनगाइ मोतिपुर भलवाड डोहोटे सडकमा पर्ने कोइली खोला को पुलकोलागि चालु आर्थिक वर्षमा बजेटको व्यवस्था भएको छ । छोटो समयमा डिपिआर बनाएर पुल निर्माणको लागि टेण्डर (ठेक्का सूचना) समेत यसै आर्थिक वर्षमा भएकोमा कामको प्रगती हेर्दै बजेट थप हुने छ । प्रदेश सांसद विष्णु पन्थीका अनुसार डिपिआर टेण्डर ,वजेट र थप बजेट निकाशा एकै वर्षमा हुनु पुल निर्माणमा नयाँ रेकर्ड हो ।

पुल बन्ने पक्का भएपछि पंन्थीले सामाजिक सञ्जालमा खुशी प्रकट गर्दै लेख्नु भएको छ

स्मरण रहोस् गत बर्खामा यो खोलाले ४ जनाको ज्यान लिएको थियो । यहि खोलाले गत वर्ष विधुत कार्यलय जीतपुरका प्रमुख कृष्ण पौडेललाई वगाएर मृत्यू शैयामा पुराएको थियो । यस्तो पीडादायि कोइलीमा पुल बनाउन बजेट विनियोजन गर्ने प्रदेश सरकार , तदारुकताका साथ प्रक्रिया पुरा गर्ने प्रदेश सरकारका अधिकारीहरु , हामीलाई घचघचाउने स्थानीय सरकार र सरोकारवाला सबैलाई धेरै धेरै धन्यवाद दिन्छु ।

२०७७ साल असोज १४ गतेका दिन यसै खोलामा बाढी आउदा नेपाल विद्युत प्राविधिकरण जितपुर शाखा प्रमुख कृष्ण प्रसाद पौडेल सहितका कर्मचारी चढेको गाडी बाढीले बगाउदाँ प्रमुख पौडेल , सवारी चालक तथा खोला तर्नु पुर्व लिफ्ट मागेर बसेका अर्घाखाँचीका एक पुरुषको ज्यान गएको थियो भने । लिफ्ट मागेर बसेकि वाणगंगा ९ कि शिक्षिका तथा कार्यालयका एक कर्मचारी भने हाम फालेर बाच्न सफल भएका थिए ।

कब्जेमा पुल बन्ने पक्का भएपछि भलवाडका स्थानिय बासीमा खुसी छाएको छ । ईसाझाकुरा सगँ कुरा गर्दै एक स्थानियले भने अब भलवाडले राहतको सास र्फछ , बाढी आउदा भोग्ने समस्या समधान हुदाँ गरी कोहि बिरामी परे उपचारका लागि अस्पताल पुराउन नसक्ने अवस्थामा मृत्यु हुने डर पुल बन्ने भएपछि हराउने उनको भनाई रहेको छ ।

108