युरो कप : वेल्स र रुसकाे पहिलाे जित

काठमाण्डाै

वेल्सले युरोकप फुटबलमा पहिलो जित निकालेको छ । गएराति भएको खेलमा टर्कीलाई २–० गोलले पराजित गर्दै वेल्सले पहिलो जित निकालेको हो ।

वेल्सका आरोन राम्से र कोनर रोबट्र्सले एक/एक गोल गरे । जितसँगै वेल्सले दुई खेलमा चार अङ्क जोडेको छ । वेल्सले नकआउट चरणमा पुग्ने सम्भावना बलियो बनाएको छ ।

टर्कीको यो लगातार दोस्रो  हार हो । टर्कीलाई पहिलो खेलमा इटलीले ३–० गोलले हराएको थियो । टर्कीको नकआउट चरण पुग्ने सम्भावना कमजोर बनेको छ ।

रुसकाे पहिलाे जित

रुसले फिनल्यान्डलाई हराएकाे छ । आफ्नाे मैदान क्रेस्टाेभ्सकी स्टेडियममा भएकाे निकै प्रतिस्पर्धात्मक खेलमा रुसले फिन्ल्यान्डलाई एक–शून्यले हराएकाे हाे ।

रुसका लागि एलेक्सी मिरानचुकले पहिलाे हाफमा थपिएकाे इन्ज्युरी समयकाे दाेस्राे मिनेटमा गाेल गरे ।

समूह ‘बी मा रहेका रुस र फिनल्यान्ड दुवैले दुई खेलमा एक–एक खेल जितेका छन् । तालिकामा रुस दाेस्राे र फिन्ल्यान्ड तेस्राे स्थानमा छ ।

आजै राति पाैने दश बजे हुने खेलमा टर्की र वेल्स खेल्दै छन् भने राति पाैने एक बजे इटली र स्विट्जरल्यान्ड खेल्दैछन् ।