बेलायत : फेरि कोरोना भाइरसको सङ्क्रमण झण्डै दुई तिहाइले बढ्यो

काठमाण्डाै

बेलायतमा फेरि कोरोना भाइरसको सङ्क्रमण बढेको छ । त्यहाँको अफिस फर नेशनल स्टाट्टिक्स् ओएनएसले अहिले सङ्क्रमितको संख्या झण्डै दुई तिहाइले बढेको जनाएको छ ।  गएको मे महिनाको अन्त्यतिर झण्डै एक लाख जनामा सङ्क्रमण पाइएको छ । यसअघिको हप्तामा ६० हजारभन्दा धेरैलाई सङ्क्रमण भएको पुष्टि भएको  थियो ।

ओएनएसका अनुसार हिजो बेलायतमा ६ हजार २ सय ७८ नयाँ बिरामी देखिएको छ । यसमध्ये ९ सय ५४ जना अस्पतालमा भर्ना भएका थिए भने ११ जनाको ज्यान गएको थियो । बेलायतमा कोरोनाको डेल्टा भेरियन्टका कारण सङ्क्रमण फैलिरहेको पाइएको छ ।

स्वास्थ्य अधिकारीले डेल्टा भेरियन्टको परीक्षण बढाए अझ बिरामीको सङ्ख्या धेरै निस्कने बताएका छन् । विश्व स्वास्थ्य सङ्गठनले बेलायतमा भेटिएको नयाँ भेरियन्टलाई अल्फा, भारतमा सबैभन्दा पहिला भेटिएकोलाई किप्पा र पछि भेटिएकोलाई डेल्टा तथा दक्षिण अफ्रिकामा भेटिएकोलाई बीटा नाम दिएको छ ।  बेलायतमा अहिलेसम्म ४५ लाखभन्दा धेरैलाई कोरोना भाइरसको सङ्क्रमण भएको छ भने एक लाख २७ हजार ८ सय २३ जनाको ज्यान गएको छ ।

102

प्रतिक्रिया

खबर सबै

लुम्बिनीका मुख्यमन्त्री आचार्यले आज विश्वासको मत लिँदै

लुम्बिनी प्रदेश सबै

लुम्बिनीका मुख्यमन्त्री आचार्यले आज विश्वासको मत लिँदै

साझा अपडेट

MENU