कपिलवस्तुमा साढे ६ सय नजिक पुगे कोरोनाका सक्रिय संक्रमित

कपिलवस्तु ।
कपिलवस्तु जिल्लामा भोली देखि निषेधालज्ञा लागु हुदैँ छ । जिल्लामा कोरोनाको जोखिम उच्च तहमा पुगे सँगै जिल्ला प्रशासन कार्यालय अन्तरगतको जिल्ला कोरोना संकट व्यवस्थापन केन्द्रको बैठकले बैशाख २१ देखि ३१ गतेसम्म निषेधाज्ञा लगाउने निर्णय गरेको हो । निषेधाज्ञाको समयमा अति आवश्यक बस्तुका लागि बिहान ९ बजे देखि १ बजे सम्म भने खुल्ला हुने जिल्ला प्रशासन कार्यालयले जनाएको छ ।
लुम्बिनी प्रदेश अन्य जिल्लामा निषेधाज्ञा जारी छ भने कपिलवस्तुमा दैनिक संक्रमितको संख्या बृद्धि भए सँगै जिल्ला प्रशासन कार्यालयले निषेधाज्ञा लगाउने निर्णय लिएको हो । केहि दिन अघि स्वास्थ्य तथा जनसंख्या मन्त्रालयले कपिलवस्तु सहित २२ जिल्लालाई अति प्रभावित जिल्लाको रुपमा राखेको थियो । अहिले कपिलवस्तुमा कोरोनाका संक्रमितको संख्या २ हजार ७ सय ३९ पुगेको छ भने जिल्लामा संक्रिय संक्रमितको संख्या ६ सय ३९ पुगेको स्वास्थ्य कार्यालय कपिलवस्तुले जनाएको छ । तराईका जिल्लामा पाँच सय बढी सक्रिय संक्रमित पुगे पछि निषेधाज्ञा गर्न सरकारले जिल्ला प्रशासनलाई अनुमति प्रदान गरेको छ । यस्तै कपिलवस्तुमा आज थप ३ जनाको ज्यान गएको छ । यो सँगै कपिलवस्तुमा कोरोनाका कारण ज्यान गुमाउनेको संख्या ५१ पुगेको स्वास्थ्य कार्यालयका कोरोना फोकल पर्सन उमेश घिमिरेले जानकारी दिनुभयो ।

70

प्रतिक्रिया

खबर सबै

खैरेनीचाैर सामुदायिक बनकाे नि:शुल्क स्वास्थ्य शिविर, चारसय बढीले लिए सेवा

लुम्बिनी प्रदेश सबै

बजेटमा लुम्बिनी प्रदेश : सडक र सिँचाइ क्षेत्रलाई प्राथमिकता

साझा अपडेट

MENU