भदौदेखि आन्दोलनमा जाने शिक्षक महासंघको निर्णय

 नेपाल शिक्षक महासंघले भदौदेखि आन्दोलन गर्ने निर्णय गरेको छ ।

महासंघको तेस्रो राष्ट्रिय परिषद् बैठकले भदौदेखि आन्दोलन गर्ने निर्णय गरेको हो । महासंघले भदौबाट आन्दोलन गर्ने निर्णय भएको र आन्दोलनको तिथि मिति विस्तारित कार्यालय बैठकले तय गर्ने बताएको छ ।

महासंघले शिक्षा ऐनको माग, नियमावलीको १० औँ संशोधनमा आएका विषयमा महासंघले फरक मत राख्दै शिक्षा ऐन जारी हुनुपर्ने र दशौं संशोधनमा भएका प्रावधान राम्रो नभएको बताएको छ । साथै शिक्षक सरुवा, विद्यालय कर्मचारी, ईसीडी शिक्षक, अस्थायी प्रकृतिका शिक्षकको व्यवस्थापन हुनुपर्ने महासंघले माग राख्दै आएको छ ।

यसअघि पनि आफ्ना माग राख्दै पटक पटक आन्दोलन गरेका शिक्षकहरुको विभिन्न सरकारहरुसँग सहमति भएपनि अहिलेसम्म सम्बोधन भने हुन सकेको छैन ।