रास्वपा गुल्मी सभापतिमा हरि श्रेष्ठ निर्वाचित

बुटवल | राष्ट्रिय स्वतन्त्र पार्टी (रास्वपा) गुल्मी जिल्ला सभापतिमा हरि श्रेष्ठ निर्वाचित भएका छन् । श्रेष्ठले ११८ मत प्राप्त गरे । उनका प्रतिस्पर्धी मानबहादुर घर्ती क्षेत्रीले ११३ मत ल्याएका निर्वाचन समितिले जनाएको छ ।

गुल्मी उपसभापतिमा प्रगति रानामगर १२७ मतसहित निर्वाचित भइन् । उनका प्रतिस्पर्धी निशेष श्रेष्ठले ९१ र भरत पोखरेलले १४ मत प्राप्त गरे ।

सचिवमा देवराज पाण्डे विजयी भए । उनले १८९ मत प्राप्त गरे । उनका प्रतिस्पर्धी नीरज मरासिनीले ४० मत पाए ।

सहसचिवमा सागर पाण्डे निर्विरोध निर्वाचित भए । कोषाध्यक्ष भने पछि मनोनयनमार्फत चयन गरिने रास्वपाले जनाएको छ ।

सदस्यमा माया नेपाली, माया जिसी, देवकला राना, भागवत गिरी र प्रेमबहादुर सुनार चुनिए ।