

जग खन्ने क्रममा भेटियो ठूलो मात्रामा विस्फोटक पदार्थ





दाङ : सल्यानमा भवन निर्माणका लागि जग खन्ने क्रममा ठूलो मात्रामा विस्फोटक पदार्थ फेला परेको छ। जिल्ला प्रहरी कार्यालय सल्यानको कम्पाउण्डभित्र नयाँ भवन निर्माणका लागि जग खन्ने क्रममा पुराना बम तथा बम बनाउने सामग्री भेटिएको हो।
प्रहरीका अनुसार उत्खननका क्रममा ८२ वटा सकेट बम, ३ वटा सुतली बम, १ बोतल बम, ७ थान रेडियो वेभ, करिब ५०० ग्राम विस्फोटक पदार्थ, बम बनाउन प्रयोग हुने करिब २ केजी पार्ट पुर्जा तथा १० मिटर फायरिङ केबल फेला परेका छन्।
भैरहवास्थित भक्तिगणबाट इन्जिनियरसहितको विशेष टोली तथा सल्यान सिमखर्कस्थित सिद्धिबक्स गणबाट आएको नेपाली सेनाको टोलीले घटनास्थलमा पुगेर बम निष्क्रिय पार्ने कार्यमा जुटेको जिल्ला प्रहरी कार्यालय सल्यानले जनाएको छ।
प्रारम्भिक अनुमान अनुसार ती विस्फोटक पदार्थ सशस्त्र द्वन्द्वकालका बेला सुरक्षित रूपमा लुकाइएका हुन सक्ने देखिएको छ।
घटनापछि उक्त क्षेत्रलाई उच्च सतर्कतामा राखिएको छ भने स्थानीयलाई सावधानी अपनाउन आग्रह गरिएको प्रहरीले जनाएको छ। प्रहरीले यस विषयमा थप अनुसन्धान गरिरहेको छ।


खबर सबै
-
विश्वकप लिग-२ : नेपाल र यूएई भिड्दै
-
आज २५७०औँ बुद्ध जयन्ती, बुद्ध जन्मस्थल लुम्बिनीमा विशेष पूजा
-
खाना पकाउने एलपी ग्यासको मूल्य बढ्यो
-
करिब ४० किलोमिटर लामो ‘धानखोला–लमही’ सडक स्तरोन्नति सुरू
-
अभावबाट उठेको हिम्मत : सानो व्यवसायले ठूलो परिवार धानेका ‘इन्द्र’
-
रोल्पा जिप दुर्घटनामा परी मृत्यु हुनेको संख्या २० पुग्याे











प्रतिक्रिया