रुपन्देहीमा विशेष स्वीप अप्रेसनबाट १८६ जना पक्राउ

दुई दिन गरेको विशेष स्वीप अप्रेसनबाट रुपन्देही प्रहरीले १८६ जनालाई नियन्त्रणमा लिएको छ। शनिबार र आइतबार जिल्लाका विभिन्न स्थानमा गरिएको स्वीप अप्रेसनबाट उनीहरूलाई पक्राउ गरिएको प्रहरीले जनाएको छ।

जिल्ला प्रहरी कार्यालय रुपन्देहीका सूचना अधिकारी डिएसपी गणेश सापकोटाका अनुसार शनिवार १०३ र आइतबार ८३ जनालाई जिल्लाका विभिन्न स्थानबाट पक्राउ गरिएको हो।

उनीहरूले समाजमा शान्ति सुरक्षामा खलल पुर्‍याएको पाइएपछि नियन्त्रणमा लिइएको डिएसपी सापकोटाले बताए।

शनिवार र आइतबार साँझ दुई घण्टा सञ्चालन गरिएको स्वीप अप्रेसनबाट उनीहरूलाई पक्राउ गरिएको प्रहरीले जनाएको छ। स्वीप अप्रेसन अन्तर्गत विभिन्न स्थानमा चेकजाँच गरिएको थियो।

प्रहरीले पक्राउ परेकाहरूले विभिन्न स्थानहरूमा शान्ति सुरक्षामा खलल पुर्‍याएको दाबी गरेको छ।

नियन्त्रणमा लिइएका व्यक्तिहरूको आपराधिक गतिविधि सम्बन्धमा थप अनुसन्धान गरिरहेको र अनुसन्धानपछि आवश्यक कारबाही प्रक्रिया अघि बढाइने डिएसपी सापकोटाले बताए।