

भलवाडमा मानसिक स्वास्थ्य शिविर, १०७ जनाले सेवा लिए



शिविरमा मानसिक रोग विशेषज्ञ डाक्टर असिम रेग्मी र पिपरा अस्पतालका मेडिकल सुपरिटेन्डेन्ट डाक्टर शिबा कोटीले बिरामीहरूको स्वास्थ्य परीक्षण तथा परामर्श सेवा प्रदान गरेका थिए।
बाबुराम रायमाझी | बाणगंगा नगरपालिका–९ भलवाडस्थित स्वास्थ्य चौकीमा एकदिने मानसिक स्वास्थ्य शिविर सम्पन्न भएको छ। वाणगंगा नगरपालिका स्वास्थ्य शाखाको आयोजना तथा सिद्धार्थ सामाजिक विकास केन्द्रको सहकार्यमा सञ्चालन गरिएको उक्त शिविरबाट १०७ जनाले स्वास्थ्य सेवा लिएका थिए ।
मानसिक स्वास्थ्यसम्बन्धी समस्याको पहिचान तथा उपचारमा सहज पहुँच पुर्याउने उद्देश्यले आयोजना गरिएको शिविरमा विभिन्न उमेर समूहका स्थानीय बासिन्दाहरूले सहभागिता जनाएका थिए। शिविरमा मानसिक रोग विशेषज्ञ डाक्टर असिम रेग्मी र पिपरा अस्पतालका मेडिकल सुपरिटेन्डेन्ट डाक्टर शिबा कोटीले बिरामीहरूको स्वास्थ्य परीक्षण तथा परामर्श सेवा प्रदान गरेका थिए।
कार्यक्रममा वाणगंगा नगरपालिकाकी उपप्रमुख रिता कुमारी चौधरी, स्वास्थ्य शाखा प्रमुख ठगराज पौडेल तथा मोतिपुर स्वास्थ्य संस्थाका प्रमुख हिमलाल घिमिरेलगायत सरोकारवालाहरूको उपस्थिति रहेको थियो।
भलवाड स्वास्थ्य चौकीका प्रमुख जित विकास रायमाझीको सहजीकरणमा सम्पन्न शिविरमा महिला स्वास्थ्य स्वयंसेविकाहरूको सक्रिय सहभागिता रहेको थियो।
महिला स्वास्थ स्वयंसेविकाहरूले स्थानीय समुदायमा सूचना प्रवाह, बिरामीको व्यवस्थापन तथा सेवाग्राहीलाई सहजीकरण गर्ने कार्यमा महत्वपूर्ण भूमिका निर्वाह गरेका थिए।शिविरमा आएका सेवाग्राहीहरूले मानसिक स्वास्थ्यसम्बन्धी समस्या खुलेर राख्दै परामर्श लिन पाएकोमा खुशी व्यक्त गरेका थिए । यस्ता कार्यक्रमले मानसिक स्वास्थ्यप्रति जनचेतना बढाउन तथा समयमै उपचारमा पहुँच विस्तार गर्न मद्दत पुग्ने विश्वास गरिएको छ।
स्थानीय तहले आगामी दिनमा पनि यस्ता जनमुखी स्वास्थ्य कार्यक्रमलाई निरन्तरता दिने जनाएको छ।


खबर सबै
-
सद्भावको पर्व छठ मनाउन कपिलवस्तुका ७० स्थानमा छठघाट निर्माण
-
बर्दियामा सवारी दुर्घटनामा परी दुई जनाको मृत्यु,१५ जना घाइते
-
एनपीएलमा प्लेअफको समीकरण रोचक
-
भलवाडमा देउसी भैलोका क्रममा कुटाकुट, एकजना घाइते, एक युवक प्रहरीको नियन्त्रणमा
-
आइतबारदेखि फेरि पानी पर्न सक्ने, किसानलाई धानबाली जोगाउन सुझाव
-
धान दाइँमा आधुनिक थ्रेसरको प्रयोग बढ्दै
-
भलवाडमा देउसी भैलोका क्रममा कुटाकुट, एकजना घाइते, एक युवक प्रहरीको नियन्त्रणमा
-
आइतबारदेखि फेरि पानी पर्न सक्ने, किसानलाई धानबाली जोगाउन सुझाव
-
धान दाइँमा आधुनिक थ्रेसरको प्रयोग बढ्दै
-
डल्ले सराय नाच प्यूठानको मौलिक सांस्कृतिक पहिचान
-
कपिलवस्तु नगरपालिकामा शुक्रबार शोक बिदा
-
आजदेखि छठ पर्व सुरु, मिथिला क्षेत्र छठमय







प्रतिक्रिया