हावाहुरीको जोखिमबाट कसरी बच्ने ?

राष्ट्रिय विपद् जोखिम न्यूनीकरण तथा व्यवस्थापन प्राधिकरणले आज र भोलि देशका विभिन्न स्थानमा ठूलो हावाहुरी तथा वर्षा हुने बताएको छ । आज पश्चिम नेपालका सुदूरपश्चिम र कर्णालीमा तथा भोलि पूर्वी नेपालका भूभागमा हावाहुरी र वर्षाको सम्भावना  भएकाले विशेष काम नपरी यात्रामा ननिस्कन प्राधिकरणले आग्रह गरेको छ । 

प्राधिकरणले हावाहुरीको जोखिमबाट जोगिन विभिन्न उपाय अपनाउन सकिने बताएको छ ।

प्राधिकरणका अनुसार यी हुन् हावाहुरीको जोखिमबाट जोगिने उपाय :–
१. हावाहुरीको क्षतिबाट बच्न घरको संरचना बलियो बनाउने ।
२. फुसको छानालाई ग्याबियन तारले राम्ररी कसेर बाँध्ने ।
३. घर बनाउँदा नै हावाहुरीप्रतिरोधी छानाको निर्माणमा ध्यान दिने ।
४. जस्तापाताको छानालाई ‘जे हुक’ले कसेर बाँध्ने ।
५. घरको छतमा गमला, इँटाजस्ता सामग्रीलाई खुला नराख्ने, फलामको रेलिङ वा नझर्ने गरी व्यवस्थित तरिकाले मात्र राख्ने ।
६. हावाहुरी चलेको बेला घरबाहिर नजाने ।
७. हावाहुरी चलेको समयमा झ्यालढोका बन्द गरेर घरभित्रै सुरक्षित बस्ने ।
८. यात्रा गर्दा, गाडी, मोटरसाइकल, साइकल चलाइरहेको बेला हावाहुरी चले सुरक्षित स्थानको खोजी गरेर बस्ने ।
९. बजार तथा भीडभाडमा भएको बेला हावाहुरी चले भागदौड नगर्ने, विस्तारै सुरक्षित स्थानमा गएर बस्ने ।
१०. खुला ठाउँमा भएको बेला ठूलो हावाहुरी चले थुचुक्क बसेर दुवै हातले टाउको छोपी घोप्टो परेर बस्ने ।
११. हावाहुरी चल्दा रुखमुनि र कमजोर भौतिक संरचना भएको स्थानमा नबस्ने ।
१२. हावाहुरीको समयमा खुला ठाउँमा आगो नबाल्ने ।

119

प्रतिक्रिया

खबर सबै

सरकारले गर्याे मन्त्रीपरिषद्बाट महत्वपूर्ण ७ निर्णय

लुम्बिनी प्रदेश सबै

लुम्बिनी प्रदेशको बजेट बहुमतले पारित

साझा अपडेट

MENU