एकैदिन ३५ सय रुपैयाँले बढ्यो सुनको मूल्य

काठमाडाैँ । शुक्रबार एकैदिन सुनको मूल्य उच्च दरले वृद्धि भएको छ । नेपाल सुनचाँदी रत्न तथा आभूषण व्यवसायी महासंघकाअनुसार शुक्रबार प्रतितोला सुन ३५ सय रुपैयाँले बढेको छ ।

बिहीवार २ लाख ५३ हजार १०० रुपैयाँ प्रतितोला रहेको सुन शुक्रवार बढेर २ लाख ५६ हजार ६०० रुपैयाँ कायम भएको छ । चाँदीको मूल्यमा पनि उच्च वृद्धि भएको छ ।

चाँदी प्रतितोला १०० रुपैयाँले बढेको छ । बिहीबार ३ हजार ८०५ रुपैयाँ रहेको चाँदी शुक्रबार ३ हजार ९०५ रुपैयाँ पुगेको छ ।