कपिलवस्तुकाे बाणगंगा ९ मा विद्यालय बस दुर्घटना, ७ विद्यार्थी घाइते

कपिलवस्तु । कपिलवस्तुको बाणगंगा नगरपालिका–९ भलवाडस्थित चौवाहमा सोमबार बिहान विद्यालय बस दुर्घटना हुँदा सात जना विद्यार्थी घाइते भएका छन्।

बाणगंगा–८ स्थित चिल्ड्रेन प्याराडाइज स्कुलको लु १ क ३११६ नम्बरको बस बिहान करिब ९:१५ बजे दुर्घटनामा परेको हो। बस भलवाडबाट विद्यार्थी लिएर विद्यालयतर्फ आउँदै गर्दा एक घरमा ठोक्किएपछि दुर्घटना भएको प्रहरीले जनाएको छ।

घाइते विद्यार्थीहरुको कपिलवस्तु सामुदायिक अस्पताल, जितपुरमा उपचार भइरहेको र सबैको अवस्था सामान्य रहेको बताइएको छ ।स्थानीयका अनुसार बस सडककाे माेडमा सिधै घरमा ठाेकिन गएकाे थियाे । उक्त दुर्घटनाका कारण पक्की घरमा समेत क्षेती पुगेकाे छ ।

दुर्घटनाबारे थप अनुसन्धान भइरहेको इलाका प्रहरी कार्यालय पिपराले जनाएको छ।