कपिलवस्तुमा करेन्ट लागेर एककाे मृत्यु

कपिलवस्तुको कृष्णनगर नगरपालिका वडा नम्बर ११ झिगाहामा मोटरबाट पानि तान्ने क्रममा करेन्ट लागेर एक जनाको मृत्यु भएको छ ।

५५ वर्षीय बेचन तेलीको मृत्यु भएको हो ।इलाका प्रहरी कार्यालय गणेशपुरका अनुसार तेलीले पानी तान्ने मोटर सञ्चालन गर्ने क्रममा करेन्ट लागेर गम्भीर घाइते भएका थिए ।

उनलाई तत्काल उपचारका लागि शिवराज अस्पताल, बहादुरगन्ज लगिएको थियो । उपचारकै क्रममा तेलीको मृत्यु भएको प्रहरी निरीक्षक हर्ष बहादुर चन्दले जनाए । घटनाबारे थप अनुसन्धान भइरहेको उनले बताए ।