लुम्बिनी लायन्सले गर्‍यो कप्तान रोहितसहित ६ खेलाडी रिटेन

नेपाल प्रिमियर लिग (एनपीएल) का लागि लुम्बिनी लायन्सले कप्तान रोहित पौडेलसहित ६ जना खेलाडीलाई रिटेन गरेको छ।

लुम्बिनीले बुधबार सामाजिक सञ्जालमार्फत ६ खेलाडीलाई रिटेन गरेको जानकारी दिएको हो। लुम्बिनीले आगामी संस्करणका लागि कप्तान रोहित, तिलक भण्डारी, अविशेष गौतम, सन्दीप जोरा, दिनेश अधिकारी र विवेक यादवलाई रिटेन गरेको छ।

लुम्बिनीले अघिल्लो सिजन अंक तालिकाको आठौँ स्थानमा रहेर लिग सकाएको थियो। लुम्बिनीले लिग चरणको सात खेलमध्य एक खेलमा मात्र जित निकालेको थियो।