आरसीबी नौ वर्षपछि फाइनलमा, पंजाबलाई आठ विकेटले हरायो

इन्डियन प्रिमियर लिग (आईपीएल) को पहिलो क्वालिफायरमा रोयल च्यालेन्जर्स बैंगलोर (आरसीबी) ले पंजाब किंग्सलाई हराउँदै फाइनलमा स्थान बनाएको छ।पंजाबले पहिले ब्याटिङ गर्दै १० विकेट गुमाएर जम्मा १०१ रन मात्र बनायो। पंजाबका तर्फबाट मार्कस स्टोइनिसले सबैभन्दा बढी २६ रन बनाए।

जवाफमा बैंगलोरले २ विकेट गुमाएर १० ओभरमै १०६ रन बनाउँदै लक्ष्य हासिल गर्यो। फिल साल्टले अर्धशतकिय पारी खेल्दै अविजित ५५ रन बनाए। भने, विराट कोहलीले केवल १२ रन मात्रै बनाउन सके।

यसअघि, बैंगलोरका लागि स्पिन बलर सुयश शर्मा र तीव्र गतिका बलर जोश हेजलवुडले समान ३–३ विकेट लिएका थिए।अब पंजाबले क्वालिफायर–२ मा एलिमिनेटर जित्ने टिमसँग प्रतिस्पर्धा गर्नेछ। आईपीएलको फाइनल आगामी जुन ३ मा खेलिनेछ।