विप्लव नेतृत्वको नेकपाद्धारा कपिलवस्तुमा ‘सी गार्मेन्ट’ उद्घाटन

कपिलवस्तु । नेत्र विक्रम चन्द नेतृत्वको नेपाल कम्युनिस्ट पार्टी ९नेकपा०द्वारा संचालित सी गार्मेन्ट उद्घाटन भएको छ । शिवराज नगरपालिका–१, बनकट्टामा संचालित गार्मेन्टको पार्टीका अध्यक्ष चन्दले बुधबार उद्घाटन गरेका हुन् ।

अध्यक्ष चन्दले उद्घाटन मन्तव्य राख्दै स्वदेशी उत्पादन बढाइ आत्मनिर्भर अर्थतन्त्रको जग बसाउनु पर्नेमा बताए । गार्मेन्ट सञ्चालनबाट नेपाली जनतालाई स्वदेशी वस्तु प्रयोग गर्न उत्प्रेरित गर्दै स्थानीय स्रोत–साधनको अधिकतम उपयोग गर्ने उद्देश्यले गार्मेन्ट उद्योग संचालन गरेको पनि उनले बताए ।

नेकपा आत्मनिर्भर अर्थतन्त्रको मार्गमा हिँड्ने पार्टीका रूपमा अगाडि बढेको भन्दै सबैलाई उत्पादन र व्यवसायमा जोडिन पनि उनले आग्रह गरे ।

पार्टीको १० लाख लागतमा जेठदेखि संचालित उद्योगले नौ महिनाको अवधिमा कोट, पाइन्ट कमिज ६ सय थान, ट्रयाकसुट ३ सय थान, हाफ पाइन्ट–टिसर्ट ३ सय थान र झुल ३ सय थान उत्पादन गरी बिक्री गरेको गार्मेन्ट इन्चार्ज संगम सीले बताए । ‘अब लगानी पनि बढाउनुपर्ने भएको छ,’ उनले भने, ‘१० लाखबाट सुरु गरेका थियौं, अब २० लाख पुर्‍याउने लक्ष्य छ ।’