जनकपुर बाेल्टस एनपीएलकाे प्लेअफमा पु्याे, अरुकाे अवस्था के हुन्छ ?

मंसिर २३, साझाकुरा । नेपाल प्रिमियर लिग (एनपीएल) को प्लेअफमा पुग्ने पहिलो टिम जनकपुर बोल्ट्स बनेको छ । लगातार चार जित हात पार्दै अंकतालिकामा ८ अंक जोडेर उसले प्लेअफमा स्थापन पक्का गरेको हो ।

आइतबार भएको रोमाञ्चक खेलमा लुम्बिनी लायन्सलाई एक रनले पराजित गर्दै जनकपुरले विजयी यात्रा जारी राखेको हो । उसका लागि क्यानेडिन खेलाडी हर्ष ठाकेरले ९ रन सुरक्षित गर्दै टिमलाई रोमाञ्चक जित दिलाएका हुन् ।

यो जितपछि जनकपुर ८ अंकका साथ शीर्षस्थानमा पुगेको छ । आइतबारै हुने चितवन राइनोज र सुदूरपश्चिम रोयल्सबीचको खेल पनि अंकतालिकामा तलमाथि हुनेछ । जारी लिगमा ८ अंक बनाउन सक्ने टिम जनकपुरपछि बाँकी तीन टिम मात्र रहने छन् । त्यो तीन स्थानका लागि सुदूरपश्चिम, कर्णाली याक्स, चितवन राइनोज, पोखरा एभेन्जर्स र विराटनगर किङ्सबीच प्रतिस्पर्धा हुनेछ ।

यसमध्ये सुदूरको अहिले नै ६ अंक छ भने कर्णाली र चितवनको चार चार अंक छ । विराटनगर र पोखराको दुई दुई अंक छ ।

लिगमा ८ टिमले एकअर्कासँग एक एक खेल खेल्नेछन् । चारवटा टिम जनकपुर, लुम्बिनी, कर्णाली र विराटनगरले चार चार खेल खेलिसकेका छन् । आइतबारको दोस्रो खेलपछि सुदूरपश्चिम र चितवनले पनि चार चार खेल खेल्नेछन् ।

लुम्बिनी लायन्सले भने आफुले खेलेका चारवटै खेलमा पराजय भाेगेकाे छ । जसका कारण लुम्बिनीको प्लेअफ सम्भावनन न्यून भएको छ ।