तेस्रो मोतिपुर फुलबारी कप : चौवाहलाई हराउँदै मोतिपुरकाे जित

साझाकुरा,१२ मंसिर २०८१ । कपिलवस्तुको बाणगंगा नगरपालिका वडा नम्बर ७ मा जारी तेस्रोमोतिपुर फुलबारी कप फुटबलको बुधरको खेलमा आयोजक टिमले जित हात पारेको छ । शिद्धार्थ गौतम चौवाहसँगको खेलमा आयोजक मोतिपुर प्रगतिशील युवा क्लवले २–१ को जित निकालेको हो ।

गत शनिबार देखि जारी यो प्रतियोगितामा उद्घाटन खेलमा मुहान एफ.सी झुगाँलाई पराजित गरेको शिद्धार्थले आफ्नो दोस्रो खेलमा आयोजकसँग स्तब्ध हुन पुग्यो । जारी खेलको निर्धारित पहिलो हाफमा १ गोलको अग्रहता बनाएको मोतिपुरले खेलको दोस्रो हाफमा थप एक गोल गर्न सफल भयो । यस्तै शिद्धार्थले पनि दोस्रो हाफमा एक गोल गरेको भए पनि टोलीलाई जित दिलाउन प्रयाप्त हुन सकेन । डिबक्स भित्र भएको फल नै शिद्धार्थका लागि घातक बन्न पुग्यो भने मोतिपुरले उक्त पेनल्टीको अवसरलाई सदुपयोग गर्दै आफ्नो टिमलाई जित दिलायो ।
अब बिहिबार थ्रि ब्रदर्श चप्परगाउँ र युनाइटेड एफसी पडरियाका बिचमा हुने आयोजकले जनाएको छ । यस अघि युनाइटेड एफ।सी पडरियाले पहिाले जित निकालेको थियो । यो उसको दोस्रो् खेल हो ।

प्रतियोगिताको विजेताले नगद रु। १,०१,१११, मेडल र प्रमाणपत्र पाउनेछ भने उपविजेताले नगद रु। ५१,१११, मेडल र प्रमाणपत्र पाउनेछ। आयोजकले यसले खेलाडीहरूको मनोबल उच्च बनाउन सहयोग पु¥याउने विश्वास लिएको जनाएको छ ।