नेपाल र ताजकिस्तानबीच आज मैत्रीपूर्ण फुटबल हुँदै

काठमाण्डौ : नेपाल र ताजकिस्तानबीच आज मैत्रीपूर्ण फुटबल हुँदैछ । याे खेल नेपाली समयअनुसार बेलुका पौने ७ बजे डुसान्बेमा शुरू हुनेछ ।

घरेलु टोली ताजकिस्तान, नेपाल र अफगानिस्तानबीच मैत्रीपूर्ण फुटबल हुन लागेको हो । नेपालले मङ्सिर १ गते शनिवार अफगानिस्तानसँग खेल्नेछ । विगतमा नेपालले ताजकिस्तानसँग खेलेका तीन वटै खेलमा हार बेहोरेको छ ।

नेपालले बलियो टोलीसँग खेल्न लागेको र उत्कृष्ट प्रदर्शन गर्ने मुख्य प्रशिक्षक नवीन न्यौपानेले बताएका छन् ।