एक लाख बढी पुरस्कार राशिको ‘तेस्रो मोतिपुर फुलबारी कप’ आयोजना हुँदै

साझाकुरा, कपिलवस्तु | कपिलवस्तुको बाणगंगामा एक लाख बढी पुरस्कार राशिको फुटबल प्रतियोगिता आयोजनाका लािग तयारी थालिएको छ । बाणगंगा नगरपालिका वडा नम्रब ७ मोतिपुरमा मंसिर ८ गते देखि उक्त प्रतियोगिता हुने भएको हो ।

मोतिपुर प्रगतिशील युवा क्लवको आयोजनामा तेस्रो मोतिपुर फुलबारी कप २०८१ आयोजना हुने क्वलका अध्यक्ष शंकर प्रसाद न्यौपानेले साझाकुरालाई जानकारी दिए । उनका अनुसार प्रतियोगिता मोतिपुर स्थित फुटबल मैदानमा संचालन हुने छ । प्रतियोगितामा आफ्नो टिम दर्ताका लागि मंसिर ६ गते सम्मको समय दिएको छ । उक्त प्रतियोगितामा सहभागी हुने फुटबल टिमले प्रति टिम ६ हजार रुपैँया सहित टिम दर्ता गर्न पाउने क्लवका अध्यक्ष न्यौपानेले बताए ।

प्रतियोगितामा बिजेता टिमले नगद १ लाख १ हजार १११ रुपैँयासहित मेडल र प्रमाणपत्र पुरस्कार पाउने छ भने द्धितीय हुने टिमले नगद ५१ हजार १११ सहित मेडल र प्रमाणपत्र पुरस्कार पाउने छ ।

खेल खेलौँ स्वस्थ रहाँै भन्ने नाराका साथ मोतिपुर प्रगतिशील युवा क्लवले पछिल्लो तीन वर्ष देखि मोतिपुर फुलबारी कप फुटबल प्रतियोगिता आयोजना गर्दै आएको छ । यस पटक क्लवले तेस्रो संस्करण आयोजना गर्ने तयारी गरेको हो ।