लुम्बिनी सरकारको आर्थिक सल्लाहकारमा गौतम नियुक्त

दाङ | लुम्बिनी प्रदेश सरकारको आर्थिक सल्लाहकारमा सुरेश गौतम नियुक्त भएका छन्। अर्थ मन्त्रालयमा बसेर काम गर्ने गरी मुख्यमन्त्री जोखबहादुर महराले गौतमलाई आर्थिक सल्लाहकारमा नियुक्त गरेका हुन्।

घोराही उपमहानगरपालिका–१२ निवासी गौतम आर्थिक क्षेत्रको विज्ञ मानिन्छन्। व्यवस्थापन संकायमा स्नातकोत्तर उत्तीर्ण गरेका गौतमसँग अर्थमन्त्री विष्णु पौडेल र लुम्बिनी प्रदेश सरकारका पूर्वमुख्यमन्त्री शंकर पोख्रेलको सचिवालयमा रहेर काम गरेको अनुभव छ।

यसैबीच गौतमलाई मंगलबार अर्थमन्त्री चेतनारायण आचार्यले मन्त्रालयमा स्वागत गरे।