नेप्सेमा तीन मिनेटमै सर्किट ब्रेक, २० मिनेट रोकियो कारोबार

काठमाडौं । सेयर बजार मापक नेप्से परिसूचक कारोबार सुरु भएको तीन मिनेटमै ‘सर्किट ब्रेक’ लागेको छ । सर्किट ब्रेक लागेपछि २० मिनेटका लागि कारोबार रोकिएको छ । 

सोमबार कारोबार सुरु भएको तीन मिनेटमै बजार ४.०४ प्रतिशतले बढेको हो । बजार ७९.२९ अंकले बढेर २०३९.६० बिन्दुमा पुगेको छ ।

कारोबार सुरु भएको पहिलो एक घण्टाभित्र ४ प्रतिशतले बजार बढेमा वा घटेमा सर्किट ब्रेक लाग्छ । सर्किट ब्रेकपछि २० मिनेटका लागि कारोबार रोकिएको हो ।